台灣詩路-【講一句罰一元】

　　作者：林宗源（台南市）

　　講一句罰一元　　　　台灣話真俗　　　阮老父每日予我幾張新台幣
　　講一句掛一次狗牌　　台灣話未咬人　　阮老師教阮咬即個傳彼個
　　講一句跂一次黑板　　台灣話未抬人　　阮跂黑板不知犯口舍罪
　　講一句打一次手心　　台灣話有毒　　　阮的毒來自中原河洛的所在

　　先生 伊講廣東話為何無打手心　　
　　先生 伊講上海話也無跂黑板　　
　　先生 伊講四川話也無掛狗牌　　
　　先生 伊講英語為何無罰一元

　　先生提起竹仔枝打破阮的心